— Vašaj bijahrafii niama ŭ adkrytym dostupie. A ludziam chočacca viedać, chto vy taki, adkul rodam, jak žyviacie. I źjaŭlajucca roznyja domysły, čutki. Jasnaja sprava, žurnalisty pačynajuć kapać… Ale kali b vy ŭ svaim pieršym intervju sami adrazu rastłumačyli hetyja pytańni — čutki naŭrad ci źjavilisia b. Časam krychu bolšaja adkrytaść našym čynoŭnikam, mnohija ź jakich ličać siabie žycharami nieba, pojdzie tolki na karyść…

— Zhodzien z vami …

— Dyk raskažycie, dzie naradzilisia, vučylisia, žanilisia…

— Ja haradzienski chłopiec. Skončyŭ Hrodzienski ŭniviersitet, jurydyčny fakultet.

— A čamu abaranialisia ŭ Rasiei?

— Ja pakul zastajusia adzinym śpiecyjalistam u Biełarusi pa infarmacyjnym pravie. I pakolki daktaroŭ navuk pa hetaj śpiecyjalnaści ŭ nas niama, abaraniacca ŭ Biełarusi ja nie moh. Tamu było pryniata takoje rašeńnie VAK, mnie dazvolili navučacca ŭ Rasii i abaraniacca tam.

Darečy, maim nastaŭnikam źjaŭlajecca vybitny navukoviec Iłaryja Łaŭrenćjeŭna Bačyła, jana biełaruska. Hod nazad jaje nie stała. Jana rodapačynalnik, stvaralnica infarmacyjnaha prava ŭ Rasii, aŭtar šmatlikich padručnikaŭ. Iłaryja Łaŭrenćjeŭna — vypusknica BDU 1947 hoda, jaje fatahrafija jość u muziei jurfaka Biełdziaržuniviersiteta.

— Eks-ministr infarmacyi Aleh Pralaskoŭski adkryta zajaŭlaŭ, što «nie bačyć metazhodnaści» ŭ tym, kab čynoŭniki aktyŭna byli pradstaŭleny ŭ sacsietkach, viali svaje błohi. Choć heta mahčymaść mamientalna reahavać na niejkija infarmacyjnyja nahody, u tym liku i fejkavyja. Vy zavisajecie ŭ «Fejsbuku»?

— Sacsietkami nie karystaŭsia. Da hetaha momantu nie było asablivaj patreby. Ale ciapier, viadoma, budu.

— Pierad instytutam, jaki vy ŭznačalvajecie, staić niamała zadač, siarod ich — vyvučeńnie tendencyj raźvićcia mižnarodnych, hramadska-palityčnych i sacyjalna-ekanamičnych pracesaŭ; daśledavańnie ryzyk i vyklikaŭ u infarmacyjnaj śfiery. Mnie cikava, a jakimi dadzienymi vy budziecie karystacca? Niezaležnuju sacyjałohiju ŭ krainie faktyčna źniščyli, choć daśledavańni taho ž NISEPD u svoj čas vyvučali mnohija vysokapastaŭlenyja čynoŭniki. Nu a da dziaržaŭnych sacyjołahaŭ siońnia, sami viedajecie, jaki davier u hramadstvie…

— Infarmacyjna-analityčny centr zajmaŭsia sacyjałohijaj, ale my — nie IAC, jon likvidujecca, i stvarajecca zusim novaja struktura — BISD. I my nie zmožam vyžyć, kali sami budziem zajmacca palavymi pracami. Naš instytut stvorany dla taho, kab ažyćciaŭlać stratehičny analiz. Inšymi słovami, my budziem rabić analityku analityki. U suviazi z hetym pytańnie ab sacyjałohii, na žal, zusim nie na moj adras. Ja z zadavalnieńniem budu karystacca roznymi dadzienymi: i zamiežnymi, i niezaležnymi, jakimi zaŭhodna. Ale sam sacyjałohiju zrabić nie zmahu — prosta nie chopić ruk. I kali my zaraz zakapajemsia ŭ hetyja rečy, to nie vykanajem asnoŭnuju zadaču. Miž inšym — najskładaniejšuju! U nas niama vopytu stratehičnaha analizu. Nie vyklučana, što na mianie niechta pakryŭdzicca za hetyja słovy, ale ŭ Biełarusi ŭ pryncypie niama vopytu stratehičnaha analizu. A ŭsie stratehii, jakija my bačyli, u tym liku i niezaležnyja, jany albo biezadkaznyja, albo zanadta paviarchoŭnyja. Lohka być niezaležnym strateham — možna rabić prahnoz choć na 50 najbližejšych hadoŭ, adkazvać za jaho ŭsio roŭna nie daviadziecca. A kali zajmacca analizam usurjoz, to heta vielmi składana.

Mnie zdajecca, ja viedaju, jak z usim hetym spravicca, ale ci ŭsio atrymajecca — pakaža čas. A pakul nam treba budzie vielmi mocna napružycca. Pa sutnaści, BISD — heta startap. I jaho pośpiech zaležyć tolki ad nas samich…

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?