13 sakavika 2019 hoda ŭ ramkach rabočaha vizitu delehacyi Prezidenckaha spartyŭnaha kłuba ŭ Abu-Dabi (AAE) adbyłosia padpisańnie Miemaranduma ab supracoŭnictvie pamiž Prezidenckim spartovym kłubam (hetuju pasadu zajmaje syn Alaksandra Łukašenki Dziamitryj) i Radaj Abu-Dabi pa sporcie, u jakim zamacavany klučavyja napramki dvuchbakovaha supracoŭnictva ŭ spartyŭnaj śfiery, u pryvatnaści z Kłubam Abu-Dabi pa ladovych vidach sportu i Fiederacyjaj ladovych vidaŭ sportu AAE, paviedamlaje pres-słužba kłuba.
U chodzie vizitu taksama adbyłasia sustreča Dźmitryja Łukašenki sa staršynioj Rady Abu-Dabi pa sporcie šejcham Nachajanam bien Zaidam al-Nachajanam, u chodzie jakoj abmierkavany pytańni pašyreńnia dvuchbakovych suviaziej u spartyŭnaj śfiery i ŭ halinie dabračynnaści.
Fota pres-słužby Prezidenckaha spartyŭnaha kłuba.
Pa zaprašeńni naślednaha prynca Abu-Dabi šejcha Muchamieda bien Zaida al-Nachajana 14 sakavika 2019 hoda Dźmitryj Łukašenka ŭziaŭ udzieł u jakaści hanarovaha hościa va ŭračystaj cyrymonii adkryćcia Suśvietnaj śpiecyjalnaj alimpijady, jakaja prachodzić z 14 pa 21 sakavika ŭ AAE.
Suśvietnaja śpiecyjalnaja alimpijada — heta spabornictvy dla ludziej z parušeńniami intelektu i inšych adaptacyjnych zdolnaściaŭ. Jana pryznačana dla atletaŭ praktyčna luboha ŭzrostu (z 8 i da 80 hadoŭ), niezaležna ad ich fizičnych mahčymaściaŭ. Kožny ŭdzielnik u Śpiecyjalnaj alimpijadzie moža stać pieramožcam. Pieršyja mižnarodnyja hulni prajšli 19 i 20 červienia 1968 hoda ŭ Čykaha.
