15 sakavika ZŠA pašyryli antyrasijskija sankcyi z-za ahresii Rasii suprać Ukrainy. Pad sankcyi trapili čatyry rasiejskija čynoŭniki, jakija byli datyčnyja da napadu na karabli VMS Ukrainy ŭ Kierčanskim pralivie.
U pryvatnaści, heta namieśnik kiraŭnika pamiežnaj słužby FSB Hienadź Miadźviedzieŭ, načalnik słužby ŭ Bałakłavie pahraničnaha ŭpraŭleńnia FSB pa Krymie Rusłan Ramaškin, kiraŭnik pahraničnaha ŭpraŭleńnia FSB pa Krymie i Sievastopali kontr-admirał Siarhiej Stankievič i jaho namieśnik Andrej Šein.
Akramia taho, sankcyi ŭviali suprać namieśnika kiraŭnika «CVK DNR» Alaksieja Najdzienku i sakratara «CVK DNR» Uładzimira Vysockaha.
U śpis taksama ŭniesieny pradpryjemstvy Akijanprybor, Zavod Fialent, Kanstruktarska-technałahičnaje biuro Sudakampazit, kampanija Novyja prajekty, budaŭničaja kampanija Kansol-stroj łtd, mašynabudaŭničy zavod Zorka, Jarasłaŭski sudnabudaŭničy zavod, Zielenadolski zavod imia Horkaha.
