Kali pryjechali pravaachoŭniki, pjany debašyr i ź imi pavodziŭ siabie zadzirliva. Zaraz jamu treba budzie adkazać pa dvuch artykułach zakona.

Zdaryŭsia vypadak u čaćvier, 14 sakavika, u vioscy Vosava Babrujskaha rajona, raspaviali «VB» u Babrujskim RAUS. U 14.40 u milicyju patelefanavali z administracyi Vosaŭskaj škoły i paviedamili, što ŭ kabiniet dyrektara hetaj ustanovy uvarvaŭsia 22-hadovy miascovy žychar, chapaŭ kiraŭnika za vopratku, sprabavaŭ udaryć, vykrykvaŭ niecenzurnuju łajanku. Dyrektar škoły nie razhubiŭsia — jamu ŭdałosia ŭhavaryć debašyra vyjści na vulicu, dźviery škoły začynili na kluč i vyklikali milicyju.

Kali pryjechali pravaachoŭniki, pjany mužčyna znachodziŭsia na vulicy, dzie jaho i zatrymali. Na prapanovu prajści ŭ słužbovy aŭtamabil dla składańnia pratakoła, jon pavodziŭ siabie zadzirliva.

Debašyra dastavili ŭ narkałahičny dyspansier na ahlad. Jon byŭ pjany — 1,22 pramile ałkaholu. Pa słovach mužčyny, da vizitu ŭ škołu jon vypiŭ bolš za plašku harełki. Adekvatna patłumačyć pryčyny svajho ŭčynku jon nie zmoh.

Debašyru pryjdziecca adkazvać za zroblenaje pa dvuch artykułach administracyjnaha Kodeksa: 17.1 (Drobnaje chulihanstva) i 23.4 (Niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ). Ciapier jon znachodzicca ŭ izalatary časovaha ŭtrymańnia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?