Čatyry ŭkrainskija telekanały pačnuć tranślavacca ŭ Biełarusi ŭ najbližejšy čas, akramia kanała «UATV», jaki ŭžo atrymaŭ aficyjny dazvoł na tranślacyju, paviedamlaje interfax.by.

Aficyjny dazvoł na tranślacyju «UATV» dziejničaje ŭ Biełarusi z 24 studzienia biahučaha hoda.

«Na siońnia jašče dakładna adzin ukrainski kanał atrymaŭ dazvoł na viaščańnie ŭ Biełarusi — heta telekanał «Film.ua Drama» i ŭ studzieni jon užo pačaŭ raspaŭsiudžvacca. I ŭ Ministerstvie infarmacyi Biełarusi na siońnia znachodziacca na razhladzie jašče dva telekanały kampanii «Star Cinema» i «Star Media». U pierśpiektyvie na najbližejšy čas telekanał «World» ukrainski. Ale heta ŭsio kanały nie infarmacyjnyja, nie dziaržaŭnyja — jany nišavyja» — paviedamiła hienieralny dyrektar «UATV» Ludmiła Bierazoŭskaja ŭ intervju žurnalistam u ramkach prezientacyi telekanała, jakaja prajšła ŭ pasolstvie Ukrainy ŭ Biełarusi 15 sakavika.

Pa słovach dyrektara aficyjnaha dystrybjutara telekanała «UATV» u Biełarusi TAA «Navihatar TB» Vadzima Cichanoviča, akramia nazvanych, jašče dva ŭkrainskija telekanały padali zajavu na dazvoł tranślacyi ŭ Ministerstva infarmacyi Biełarusi. «Jašče dva kanały padalisia litaralna ŭčora — heta «1+1 International» i «Kvartał 95», — raspavioŭ jon žurnalistam.

Zaraz «Navihatar TB» skłaŭ kala 20 dahavoraŭ ab viaščańni «UATV» ź biełaruskimi apieratarami kabielnych sietak; u dziesiaci ź ich prahlad užo dastupny. Tracina apierataraŭ viaščaje ŭ Minskaj vobłaści, astatnija — u Homielskaj i Bresckaj. U najbližejšy čas płanujecca padklučeńnie da inšych biełaruskich apierataraŭ kabielnych sietak.

Usiaho ŭ Biełarusi dziejničaje kala 150 kabielnych teleapierataraŭ. Najbujniejšymi źjaŭlajucca «MTIS», «Vełkom» i «Kosmas Telekam», adnak jany pakul što nie ŭklučyli ŭkrainski telekanał.

Клас
Панылы сорам
Ха-ха
Ого
Сумна
Абуральна