Skrynšot videa The Independent

Skrynšot videa The Independent

Donald Tramp ŭpieršyniu za dva hady prezidenctva nakłaŭ vieta na rezalucyju kanhresa ZŠA ab admienie jaho ukaza ab nadzvyčajnym stanoviščy. Prezidentu daviałosia vykarystoŭvać režym nadzvyčajnaha stanovišča, kab atrymać miljardy dalaraŭ na budaŭnictva ściany na miažy ź Mieksikaj.

Vieta na rašeńnie kanhresa Tramp nakłaŭ u pramym efiry, dakumient jon padpisvaŭ u Avalnym kabiniecie Biełaha doma ŭ asiarodździ vice-prezidenta Majka Pensa, ministra ŭnutranaj biaśpieki Kirsten Nilsen, hienprakurora Uiljama Bara, a taksama baćkoŭ, čyje dzieci zahinuli ad ruk nielehalnych mihrantaŭ.

«U kanhresa jość svaboda pryniać rezalucyju, moj abaviazak — nakłaści na jaje vieta. I ja maju vialiki honar zrabić heta», — skazaŭ Tramp.

Pad apładysmienty prysutnych jon padpisaŭ dakumient. Rašeńnie kanhresa ZŠA Tramp nazvaŭ «niebiaśpiečnym» i skazaŭ, što jon «stavić pad pahrozu žyćcio amierykancaŭ».

Sienat ZŠA napiaredadni padtrymaŭ rezalucyju ab admienie režymu nadzvyčajnaha stanovišča na miažy ź Mieksikaj, u kancy lutaha za heta prahałasavała Pałata pradstaŭnikoŭ kanhresa ZŠA.

«Nikoli tak nie hanaryŭsia, što staju kala vašaha stała, jak siońnia, — skazaŭ vice-prezident Pens. — U nas kryzis na paŭdniovaj miažy. Narkatrafik, handal ludźmi. Pieradaziroŭki narkotykami — hałoŭnaja pryčyna śmierci amierykancaŭ, maładziejšych za 55 hadoŭ. Dziakuj, što strymali słova».

Hienprakuror Barr nahadaŭ, što prava prezidenta ŭvodzić nadzvyčajnaje stanovišča zamacavana ŭ zakonie. Nadzvyčajnaje stanovišča prezident Tramp ŭvioŭ 15 lutaha kab uziać ź biudžetu minabarony hrošy na budaŭnictva ściany na miažy ź Mieksikaj.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?