Vyniki apošniaha apytańnia vieniesuelskaj kampanii Meganálisis prademanstravali: 88,9% žycharoŭ Vieniesueły chacieli b, kab prezident Nikałas Madura ŭ najbližejšy čas pakinuŭ pasadu kiraŭnika dziaržavy. Adpaviednyja vyniki daśledavańnia raźmieščany na servisie dla zachoŭvańnia dakumientaŭ Scribd. Na ich, u tym liku, spasyłajecca miascovaja hazieta El Nacional.
U apytańni, jak rastłumačyli sacyjołahi, pryniali ŭdzieł 1,1 tys. čałaviek pa ŭsioj krainie, jon pravodziŭsia z 11 pa 14 sakavika ŭ 16 najbujniejšych rehijonach balivaryjanskaj respubliki i, u pryvatnaści, u 32 haradach. Statystyčnaja chibnaść skłała 3,3%, udakładnili śpiecyjalisty.
Pa ich dadzienych, na pytańnie: «Ci chočacie vy, kab Madura i jaho ŭrad čavistaŭ ciapier syšli?» - stanoŭča adkazali 88,9% respandentaŭ. «Nie» skazali 8,8% apytanych, jašče 2,2% nie zmahli adkazać na hetaje pytańnie.
