Pratestoŭcy zakidali palicyjantaŭ kamianiami, vysadzili dźviery budynka sierbskaha dziaržaŭnaha telebačańnia i zaniali pamiaškańni teleradyjokampanii RTS. Adtul ich paśla vyvieli supracoŭniki pravaachoŭnych orhanaŭ.
U Białhradzie padčas čarhovaj akcyi apazicyi suprać palityki prezidenta Sierbii Alaksandra Vučyča hrupa demanstrantaŭ na čale z apazicyjanierami Baška Abradavičam i Drahanam Džyłasam uvarvałasia ŭ budynak dziaržaŭnaha telebačańnia RTS, paviedamlaje miascovaje vydańnie Kurir.
Abradavič patrabavaŭ ad supracoŭnikaŭ kanała dać jamu mahčymaść vyjści ŭ efir. «My zastaniemsia tut, pakul nam nie dazvolać uziać udzieł u prahramie. U čym prablema dać nam dźvie chviliny?» — aburaŭsia Abradavič.
Adnak prybyŭ śpiecnaz i vyciahnuŭ usich mitynhoŭcaŭ z budynka adnaho za adnym.
Apazicyja ŭ Sierbii treci miesiac pratestuje suprać manapalizacyi dziaržaŭnych ŚMI Vučyčam.
