Karparacyja Google «dapamahaje Kitaju i ich vajskoŭcam, ale nie ZŠA». Pra heta ŭ svaim Twitter napisaŭ prezident ZŠA Donald Tramp.
Ale, piša Tramp, jość i «dobraja navina. Google dapamahała žulikavataj Chiłary Klintan», supiernicy Trampa na vybarach ŭ 2016 hodzie. «I što z hetaha atrymałasia?» — spytaŭsia Tramp.
14 sakavika kiraŭnik abjadnanaha kamiteta načalnikaŭ štaboŭ Uzbrojenych sił ZŠA Džozef Danfard na pasiadžeńni ŭ sienacie zajaviŭ, što praca Google u Kitai «ŭskosna prynosić karyść kitajskim vajskoŭcam». Jon adznačyŭ, što Vašynhton «ź vialikaj zakłapočanaściu» naziraje za pracaj u hetaj krainie svaich partnioraŭ u śfiery pramysłovaści.
U svaju čarhu, vykanaŭca abaviazki ministra abarony ZŠA Patryk Šanachan zajaviŭ, što ŭ kampanii «niama žadańnia» padtrymlivać prahramy viedamstva.
Pradstaŭnik Google nie staŭ kamientavać słovy Danfarda.