Roŭna 100 hadoŭ tamu, 19 sakavika 1919 hoda, u časie polska-savieckaj vajny čekisty rasstralali ksiandza Vincenta Łatareviča, jaki słužyŭ u Iškałdzi.
Jaho cieła, jak i cieły jašče troch palakaŭ, zakinuli ŭ kałodziež u dvary Mirskaha zamka.
Kali palaki znoŭ zaniali Mir, cieła 33-hadovaha ksiandza było pieraviezienaje ŭ Iškałdź i pachavanaje na ćvintary.
Usiaho ŭ časie polska-savieckaj vajny 1918—1921 hadoŭ balšaviki zabili bolš za 100 ksiandzoŭ.
Na stohadovuju hadavinu z času tych kryvavych padziej u Iškałdzi adbyłasia imša pamiaci ksiandza Łatareviča. Jaje adsłužyŭ biskup Kazimir Vialikasielec. Na imšu źjechalisia aktyvisty Sajuza palakaŭ z roznych haradoŭ, a taksama polskija dypłamaty.
Nahadajem, što Iškałdź — heta najstarejšy katalicki chram Biełarusi, jaki nikoli nie pierabudoŭvaŭsia.
