U lipieni 2017-ha padčas raskopak na hary Hiedymina ŭ Vilni byli znojdzienyja pareštki 20 čałaviek. Niadaŭna daśledčyki Vilenskaha ŭniviersiteta pryjšli da kančatkovaj vysnovy, što siarod ich jość i pareštki Kastusia Kalinoŭskaha, kiraŭnika paŭstańnia 1863-1864 hadoŭ, paviedamlaje Tut.by.
Pa našaj hrubaj acency, z dakładnaściu 95 adsotkaŭ my možam paćvierdzić, što adny z hetych pareštkaŭ naležać Kanstancinu Kalinoŭskamu, — kaža prafiesar kafiedry anatomii, histałohii i antrapałohii Vilenskaha ŭniviersiteta Rymantas Jankaŭskas.
Svaju acenku daśledčyki nazyvajuć hrubaj, pakolki astanki Kalinoŭskaha nie prachodzili hienietyčnuju ekśpiertyzu. Pryčyna ŭ tym, što ŭ paŭstanca nie zastałosia naščadkaŭ pa mužčynskaj linii, jakija mahli b zdać materyjał dla paraŭnańnia.
Da vysnovy, što heta pareštki mienavita Kastusia Kalinoŭskaha, daśledčyki pryjšli mietadam vyklučeńnia ŭsich astatnich, a taksama z dapamohaj supastaŭleńnia ŭzrostu, sposabu pakarańnia, a taksama paraŭnańnia čerapa i fatahrafii. Dla hetaha navukoŭcy praviali padrabiaznyja daśledavańnia ŭsich astatnich pareštkaŭ. Ich vyniki prafiesar nazyvaje maksimalna dakładnymi.
Ci nie supadali albo ŭzrost, albo sposab pakarańnia. Kalinoŭski, naprykład, byŭ paviešany, a traplalisia pareštki rasstralanych z ranieńniami ŭ vobłaści hrudnoj kletki. Niekalki čałaviek identyfikavanyja pa hienietyčnych analizach. U tym liku pa materyjałach svajakoŭ, pachavańni jakich jość na mohiłkach u Vilni. Dla hetaha byli zrobleny čatyry ekshumacyi i ŭziatyja proby. My nie śpiašalisia z vysnovami, pakul nie byli daśledavany ŭsie astatnija. Zaraz my majem dadzienyja pa kožnym.
Da kančatkovych vysnoŭ daśledčyki pryjšli 2-3 tydni tamu, kali atrymali apošnija dadzienyja hienietyčnaha analizu. Nie vyjaŭleny tolki pareštki jašče adnaho paŭstanca - Stanisłava Išory.
- U nas jość hienietyčnyja dadzienyja jaho dvuch naščadkaŭ pa mužčynskaj linii, jakija žyvuć u Litvie i Polščy. Jany pakazvajuć, što ni adny z hetych 20 astankaŭ nie naležać jamu. Takim čynam, nie chapaje tolki Stanisłava Išory.
Fota: Lietuvos nacionalinio muziejaus archyvas
Fota: Lietuvos nacionalinio muziejaus archyvas
Na hary Hiedymina znajšli pachavańnie Kastusia Kalinoŭskaha?
Jašče pra mahiłu Kalinoŭskaha — kampietentna
Piarścionak Sierakoŭskaha, znojdzieny na hary Hiedymina
