Za apošni miesiac my zafiksavali niekalki sprobaŭ niezakonnych uvachodaŭ u akaŭnty, jakija naležać aŭtaram «Našaj Nivy».
Havorka idzie pra miesiendžary i sacyjalnyja sietki.
U pryvatnaści, nieviadomyja sprabavali ŭzłamać fejsbuk Arcioma Harbaceviča i zajści ŭ telehram Andreja Dyńko.
Siońnia ranicaj była zafiksavana sproba niaŭdałaha ŭvachodu ŭ telehram Kaciaryny Karpickaj.
U apošnim vypadku toj, chto sprabavaŭ heta zrabić, karystaŭsia śpiecyjalnymi mahčymaściami i, najchutčej, mieŭ kłon sim-karty, na jakuju atrymaŭ dasłany prahramaj ličbavy kod. Pavodle łohaŭ, heta adbyłosia ranicaj u 06:54. Jak atrymać kłon sim-karty? Treba abo fizična ściahnuć aryhinał i zrabić jaho kopiju, abo zapytać dadzienyja ŭ mabilnaha apieratara.
Adnak u akaŭncie stajała dvajnaja aŭtaryzacyja, tamu paśla ŭviadzieńnia ličbavaha koda prahrama zapytała dadatkovy parol, jaki złačynca nie viedaŭ.
Dziejańni takoha charaktaru možna traktavać u ramkach kryminalnaha kodeksu.
Praz toje, što sproba ŭzłomu była niaŭdałaj, nieviadomyja nie zdoleli źniščyć svaje ślady, tamu my majem IR-adras, ź jakoha rabiłasia sproba. Heta biełaruski IR-adras.
Najaŭnaść vidavočnych śladoŭ dazvalaje źviarnucca da pravaachoŭnych orhanaŭ, kab vyśvietlić asoby tych, chto niezakonna cikaviŭsia asabistaj i karparatyŭnaj infarmacyjaj.
Taksama heta pakidaje pytańni da mabilnaha apieratara, u sistemie jakoha isnuje niekalki kopij adnoj sim-karty.
