Prezident Polščy Andžej Duda zaprasiŭ Alaksandra Łukašenku na ŭračystaści z nahody 80-hodździa pačatku II Suśvietnaj vajny. Vialikaja mižnarodnaja sustreča maje adbycca 1 vieraśnia ŭ Varšavie. Hetuju infarmacyju Svabodzie paćvierdzili ŭ Kancylaryi prezidenta Dudy.
— Polšča budzie ŭšanoŭvać hetuju datu razam z krainami, ź jakimi my siońnia blizka supracoŭničajem na karyść miru ŭ śviecie pavodle pryncypaŭ mižnarodnaha prava. Da ich adnosiacca krainy NATO, ES i «Uschodniaha partniorstva», u tym liku i Biełaruś, jak čalec apošniaj inicyjatyvy.
Jak udakładnili ŭ pres-słužbie, va ŭsie krainy nakiravanyja zaprašeńni na imia kiraŭnikoŭ dziaržavaŭ. Adpaviednaje asabistaje zaprašeńnie atrymaŭ i Alaksandr Łukašenka.
Viadoma, što ŭ Kancylaryi prezidenta Polščy adbylisia pieršyja rabočyja sustrečy z pasłami zaprošanych krainaŭ. Ciapier čakajecca paćviardžeńnie pryjezdu i składu delehacyjaŭ.