Jeŭrakamisija vystupaje suprać prapanovy premjer-ministra Vialikabrytanii Terezy Mej adkłaści vychad krainy ź ES da 30 červienia, paviedamlaje Reuters.

Jeŭrakamisija vystupaje albo za praviadzieńnie Brexit da 23 maja, albo za doŭhaterminovy pieranos hetaj pracedury.

U Brusieli tłumačać svaju pazicyju tym, što 23 maja pavinna być apošnim terminam, bo adrazu paśla hetaha startujuć vybary ŭ Jeŭraparłamient, u jakich Brytanija ŭžo nie pavinna ŭdzielničać.

Kali ž Vialikabrytanii spatrebicca bolš času dla vychadu ź ES, joj daviadziecca prasić pra bolš istotny pieranos terminaŭ i, takim čynam, udzielničać u vybarach u Jeŭraparłamient.

Raniej premjer-ministr Vialikabrytanii Tereza Mej zajaviła, što napisała list kiraŭniku Jeŭrapiejskaj rady z prośbaj adkłaści Brexit da 30 červienia.

Клас
0
Панылы сорам
0
Ха-ха
0
Ого
0
Сумна
0
Абуральна
0