Suprać aktyvista Andreja Pavuka z pasiołka Akciabrski (Homielskaja vobłaść) raspačali kryminalnuju spravu za falšyvaje paviedamleńnie pra miniravańnie. Pra heta paviedamiła ŭ sacsietkach žonka aktyvista i błohiera Volha.
Taksama pra kryminalnuju spravu napisaŭ i Śledčy kamitet.
Paviedamlajecca, što kryminalnaja sprava raspačata pa č.1 art.340 Kryminalnaha kodeksa «pa fakcie zaviedama falšyvaha paviedamleńnia pra miniravańnie budynka rajvykankama».
Śledčy kamitet śćviardžaje, što paviedamleńnie pra zakładzienuju vybuchovuju pryładu pastupiła siońnia ranicaj na elektronnuju poštu Homielskaha abłasnoha ŭpraŭleńnia MNS. Taksama paviedamlajecca, što rabotniki i naviedvalniki rajvykankama evakuiravany, a na miescy zdareńnia pracavała sapiorna-piratechničnaja hrupa.
U svaju čarhu u Akciabrskim adździele MNS žurnalistu Jeŭraradyjo paviedamili, što nie atrymlivali paviedamleńniaŭ pra miniravańnie.
Ranicaj stała viadoma, što błohiera zatrymali, ale ciapier jon znachodzicca na voli.
