Ministerstva pryrodnych resursaŭ i achovy navakolnaha asiarodździa papiaredžvaje ab adkaznaści za vypalvańnie suchoj travy, paviedamlajecca na sajcie viedamstva.
U Minpryrody źviarnuli ŭvahu, što ŭ suviazi z rańnim ustanaŭleńniem ciopłaha nadvorja ŭ respublicy pačynajecca paŭsiul vypalvańnie suchoj raślinnaści, asabliva ŭ jaje paŭdniovych rajonach, što niehatyŭna ŭpłyvaje na navakolnaje asiarodździe.
«Siarod nasielnictva isnuje pamyłkovaja dumka, što vypalvańnie suchoj raślinnaści sadziejničaje jaje lepšamu rostu. Na samaj spravie vypalvańnie suchoj raślinnaści i sielskahaspadarčyja vypalvańni - sapraŭdnaje ekałahičnaje biedstva», - adznačyli ŭ Minpryrody.
U adpaviednaści z zakonam «Ab raślinnym śviecie» vypalvańnie suchoj raślinnaści (suchich raślin) i jaje reštak na korani zabaraniajecca. Za nievykanańnie patrabavańnia praduhledžana adkaznaść u adpaviednaści z Kodeksam ab administracyjnych pravaparušeńniach. Za niezakonnaje vypalvańnie suchoj raślinnaści abo niepryniaćcie mier pa likvidacyi vypalvańniaŭ pahražaje štraf ad 10 da 40 bazavych vieličyń (1 BV - 25,5 rubla). Raźviadzieńnie vohnišča ŭ zabaronienych miescach viadzie da papiaredžańnia abo nakładańnia štrafu ŭ pamiery da 12 BV.
