U administracyi Uładzimira Pucina razhladajuć varyjanty, pry jakich jon moža zastacca pry ŭładzie paśla 2024 hoda, paviedamlaje Bloomberg sa spasyłkaj na niekalki krynic, blizkich da Kramla.
Fota: kremlin.ru.
Adnym z takich scenaryjaŭ moža stać tak zvanaje «dałučeńnie» da Rasii Biełarusi.
Nibyta ŭznačaliŭšy novastvoranuju dziaržavu, Pucin zmoh by abyści abmiežavańnie na kolkaść prezidenckich terminaŭ u Rasii, nie źmianiajučy pry hetym kanstytucyi.
Inšy varyjant dla Pucina zastacca pry ŭładzie ŭ Rasii praduhledžvaje scenar, padobny tamu, jaki realizavaŭ u Kazachstanie prezident krainy Nursułtan Nazarbajeŭ.
Pakinuŭšy pasadu kiraŭnika dziaržavy svajmu davieranamu chaŭruśniku, jon, tym nie mienš, zastaŭsia staršynioj Rady nacyjanalnaj biaśpieki, zachavaŭšy za saboj klučavyja paŭnamoctvy.
U toj ža čas ni adzin z hetych scenaryjaŭ pakul što nie ŭzhodnieny.
Paźniej u Kramli adreahavali na hetuju publikacyju Bloomberg. U administracyi Uładzimira Pucina śćviardžajuć, što artykuł pra scenary zachavańnia im ułady paśla 2024 hoda nie bolš, čym «volnyja praktykavańni». Pra heta skazaŭ pres-sakratar kiraŭnika Kramla Dźmitryj Piaskoŭ.