U stalicy Kazachstana Astanie palicyja zatrymała kala 20 čałaviek, jakija vystupali suprać pierajmienavańnia horada ŭ Nursułtan — u honar pieršaha prezidenta krainy Nursułtana Nazarbajeva. Pra heta paviedamlaje Reuters.
Fota: pratesty ŭ Astanie (twitter.com/Radio_Azattyk).
Paviedamlajecca, što pakul farmalnaja pracedura nie zavieršana, niekatoryja žychary Astany vystupili suprać pierajmienavańnia stalicy ŭ čaćviorty raz mienš čym za 60 hadoŭ. Anłajn-pietycyja suprać pierajmienavańnia sabrała bolš za 30 tysiač podpisaŭ.
Dziasiatki čałaviek sabralisia ŭ čaćvier ranicaj, 21 sakavika, na płoščy pierad meryjaj Astany, kab vykazać niazhodu z rašeńniem uładaŭ. Sprečka z adnym z udzielnikaŭ mitynhu pryviała da bojki, paśla čaho palicyja zatrymała praktyčna ŭsich pratestoŭcaŭ.
Novy prezident Kazachstana Kasym-Žamart Takajeŭ prapanavaŭ pierajmienavać stalicu Astanu ŭ honar pieršaha prezidenta Nursułtana Nazarbajeva. Parłamient Kazachstana 20 sakavika pryniaŭ zakonaprajekt ab pierajmienavańni Astany ŭ Nursułtan.
