Prafsajuz pracaŭnikoŭ pradpryjemstva prapanuje terminovyja pucioŭki ŭ sanatoryj «Biełoruśsija» ŭ Mischory.
Adzin z rabočych miasakambinata paviedamiŭ, što na pradpryjemstvie terminova nabirajuć supracoŭnikaŭ dla adpačynku i lačeńnia ŭ anieksavanym Rasijaj Krymu. Pieravaha addajecca ludziam z chvarobami orhanaŭ dychańnia.
Pavodle abjavy, jakaja visić u budynku stałovaj, sanatornyja pucioŭki ŭ sanatoryj «Biełoruśsija» ŭ Mischory (10 km ad Jałty) raźličany na 18 dzion. Miesiac zajezdu — krasavik 2019 hoda.
Abjavu pra padaču sanatornych puciovak raspaŭsiudzili administracyja miasakambinata i prafsajuzny kamitet. Usie achvočyja mohuć źviartacca ŭ syravinny adździeł da Taćciany Staranackaj.
Jak paviedamlajecca na aficyjnym sajcie sanatoryja, jon padnačaleny Upraŭleńniu spravami prezidenta Biełarusi.
U červieni 2015 hoda Ukraina zaćvierdziła paradak zajezdu na paŭvostraŭ — tolki praź jaje terytoryju i pa admysłovym dazvole. Kali čałaviek jedzie ŭ Krym praz Rasiju, to jaho mohuć zrabić nieŭjaznym va Ukrainu.
