Dvoje mužčyn chacieli pierapravić tavar u Bałtyju. Ich uziali z dokazami złačynstva padčas zakładki cyharet u hruzavyja čyhunačnyja vahony.
Zakładka cyharet ažyćciaŭlałasia pobač z adnym z rudaŭpraŭleńniaŭ «Biełaruśkalija». Tavar hruzili ŭ vahon z uhnajeńniami. Usiaho kanfiskavali 12 000 pačkaŭ cyharet «Fest».
U mužčyn byli: šufiel, drot dla płambavańnia, a taksama 88 płombaŭ i vyrableny samatužnym sposabam płambiratar, paviedamlaje UUS Minabłvykankama.
Kali kantrabandysty ŭbačyli supracoŭnikaŭ milicyi, jany kinulisia biehčy. Ale ich udałosia zatrymać. Adzin z mužčyn adrazu va ŭsim pryznaŭsia, a druhi — prykinuŭsia, što spaŭ, skazaŭšy, što ź viečara śpić prosta ŭ čystym poli.
Ciapier zatrymanyja admaŭlajuć navat toje, što jany znajomyja. Adzin fihurant z Bresckaj vobłaści, druhi — sa Słucka.