U Baranavičach praciahvajecca padrychtoŭka da vizitu Alaksandra Łukašenki, zapłanavanaha na 22 sakavika.
Kali 20 sakavika ŭ Baranavičach aktyŭna vialisia pracy ŭ centry horada, to 21 sakavika možna pabačyć ažyŭleńnie ŭ Paŭnočnym mikrarajonie. Rabočyja padmiatajuć vulicy, prybirajuć terytoryju kala Ladovaha pałaca.
Čytačy paviedamlajuć pra toje, što navat tui, jakija rastuć pobač ź Ladovym, «vyčyścili pyłasosam».
Na darohach u ekstranym paradku łatajuć jamy i vyboiny, nanosiać darožnuju raźmietku.
«Pieraŭtvaryłasia» i zakinutaja fierma za Handlovym centram «Karona»: jaje zamaskiravali zialonaj sietkaj!
Rabočy myje puciepravod na vulicy Savieckaj. Fota pradstaŭlena čytačom.
Čytač Intex-press dasłaŭ fota, na jakim bačna, jak pracoŭny myje puciepravod, jaki złučaje Paŭnočny z centram horada.
Pa słovach kiroŭcaŭ, rabota kipić nie tolki ŭ samich Baranavičach, ale i pa darozie ŭ horad.
— Uzdoŭž trasy M1 prybirajuć, farbujuć śmietnicy i bardziury, — paviedamiŭ čytač Intex-press.
Bližej da viečara naviadzieńnie paradku ŭ Baranavičach praciahvajecca. Čytačy paviedamlajuć, što praśpiekt Saviecki ŭpryhožyli roznakalarovymi ściažkami, kłumbu na bulvary Chejnała — jałovymi halinkami, a hanak harvykankama myjuć užo paśla zakančeńnia pracoŭnaha dnia.
Praśpiekt Saviecki, upryhožany roznakalarovymi ściažkami. Fota pradstaŭlena čytačom.
Uborka na hanku harvykankama. Fota pradstaŭlena čytačom.
Hazon na bulvary Chejnała. Fota pradstaŭlena čytačom.
