Žychar horada zabraŭsia pad budynak, kab vyśvietlić, čamu barachlić kabielnaje telebačańnie. Jon zaŭvažyŭ niekalki źmiej, chutka vypaŭz vonki i patelefanavaŭ u kampaniju Big Country Snake Removal, jakaja zajmajecca adłovam takich hadaŭ.
«My pryjechali kala abiedu, — raspaviadaje ŭładalnik firmy Netan Chokins (Nathan Hawkins). — Ja zalez uniz i adrazu ž ubačyŭ, što ich kudy bolš, čym niekalki». U vyniku jamu ŭdałosia złavić 45 hrymučych źmiej.
«Samaje cikavaje, što haspadary bačyli tolki niekalki štuk u hod, — adznačaje Chokins. — Dvor vielmi dahledžany, dom taksama dobry i čysty». Pavodle jaho słoŭ, u adroźnieńnie ad hryzunoŭ, jakich pryciahvajuć antysanitarnyja ŭmovy, hrymučyja źmiei mohuć pasialicca dzie zaŭhodna. «Im usio roŭna, dobry ŭ vas dom abo nie i jaki aŭtamabil vy vodzicie, — kaža jon. — Źmiej chvaluje tolki vyžyvańnie».
Chokins śćviardžaje, što ŭ jaho praktycy byli vypadki, kali ŭ adnym miescy źbirałasia bolš za 45 hadaŭ. Try hady tamu Big Country Snake Removal złaviła 88 źmiej, jakija pasialilisia pad domam adnaho z klijentaŭ kampanii.
