Pra vypadak piša SK.
U studzieni dvoje mužčyn u stanie ałkaholnaha apjanieńnia ŭ adnoj sa staličnych cerkvaŭ vykrali tumbačku z 8 tysiačami rubloŭ. Nieŭzabavie pa padazreńni ŭ ździajśnieńni kradziažu supracoŭniki milicyi zatrymali 33-hadovaha i 41-hadovaha mužčynu.
Momant vynasu tumbački trapiŭ na videa
Tumbačka naležała vartaŭniku carkvy. Jon pražyvaŭ na zdymnaj kvatery, tamu vyrašyŭ zachoŭvać svaje źbieražeńni ŭ tumbačcy ŭ pakoi vartaŭnikoŭ, pra što raspavioŭ usim, chto pracavaŭ u carkvie.
Mužčyny raniej pracavali pry carkvie i viedali pra miesca zachoŭvańnia hrošaj. Adnojčy ŭviečary jany pryjšli ŭ carkvu, nibyta sustrecca sa starymi znajomymi. Adzin z abvinavačanych pajšoŭ u tualet i raźliŭ tam viadro vady. Zatym paklikaŭ supracoŭnikaŭ carkvy, pry hetym skazaŭšy, što prarvała trubu. Pakul supracoŭniki carkvy likvidoŭvali «patop», abvinavačanyja vynieśli tumbačku, paśla čaho źmieščanyja ŭ joj hrošy padzialili.
Jany zatrymanyja i źmieščanyja pad vartu.
