Kankretnaja rucinnaja rabota Biełarusi i Rasii daść bolš vynikaŭ, čym publičnyja dyskusii. Pra heta zajaviŭ žurnalistam ministr zamiežnych spraŭ Uładzimir Makiej, pieradaje BiełTA.
Uładzimir Makiej adznačyŭ, što padtrymlivaje zajavu MZS Rasii adnosna zavočnaj dyskusii źniešniepalityčnaha viedamstva Biełarusi z pasłom Rasii Michaiłam Babičam.
«My ŭžo kazali našym siabram i partnioram pra toje, što treba nie zajmacca pustoj bałbatnioj, jak kažuć niekatoryja fihuranty, a zajmacca kankretnaj rucinnaj pracaj», — padkreśliŭ jon.
Pry hetym ministr źviarnuŭ uvahu, što nie varta vypuskać u publičnuju prastoru tyja ci inšyja sprečnyja pytańni.
«Kožny raz, kali ja prychodžu na pracu i ŭklučaju «Rośsija 24», baču biahučym radkom: Raśsielhasnahlad začyniŭ čatyry pradpryjemstvy ci jašče niešta tam», — rastłumačyŭ jon.
Na dumku Uładzimira Makieja, zamiest taho, kab rabić heta publična, lepš źviazvacca napramuju i pracavać nad likvidacyjaj tych prablem, jakija časam źjaŭlajucca ŭ dvuchbakovych adnosinach.
