Alaksandr Łukašenka siońnia ŭ Baranavičach paraiŭ čynoŭnikam papularyzavać zdarovy ład žyćcia i sport na asabistym prykładzie, pieradaje BiełTA.
«Hubiernatar pavinien być na kožnym matčy abo praz matč: na chakiej i na futboł. Vy pavinny tam siadzieć i za saboj ciahnuć ludziej. Dzieci pavinny bačyć, što tam takija ž pacany biehajuć. Jany pavinny imknucca. A kali my nie budziem pakazvać prykład, jany hetym zajmacca nie buduć», — skazaŭ Alaksandr Łukašenka.
Jon pacikaviŭsia ŭ čynoŭnikaŭ, jakimi vidami sportu jany zajmajucca, adnak nie pačuŭ vyraznych adkazaŭ. Łukašenka im paraiŭ chacia b chadzić pa niekalki kiłamietraŭ u dzień.
«Heta zdajecca žartam, ale nie budziecie chadzić pa piać kiłamietraŭ jak minimum, doŭha nie pražyviacie. Tamu vy žartujcie, jak chočacie, ale heta vielmi važna dla kožnaha», — padkreśliŭ jon.
