Kandydat u prezidenty Ukrainy Uładzimir Zialenski ličyć, što pytańnie pra ruch Ukrainy ŭ Jeŭrasajuz treba vyrašać na refierendumie.
Pra heta jon skazaŭ u intervju zamiežnym žurnalistam.
«Adzin z hałoŭnych pryncypaŭ našaj prahramy i ŭnutranych pryncypaŭ — heta «narodaŭładździe», tamu što pavinien być refierendum, ukraincy pavinny vyrašać, kudy jany ŭstupajuć, u toj ci inšy sajuz», — zajaviŭ Zialenski.
U toj ža čas, pavodle jaho słoŭ, ukrainski narod užo zrabiŭ svoj vybar, i heta — jeŭraintehracyja.
«Asabista majo mierkavańnie — ja b chacieŭ, kab Ukraina była krainaj u Jeŭrasajuzie i ŭ NATA, ale ja ŭpeŭnieny, što heta surjoznyja pytańni… i heta pytańni da ŭkraincaŭ», — padsumavaŭ jon.
Taksama jon ličyć, što zamacavany niadaŭna ŭ Kanstytucyi šlach Ukrainy ŭ ES — nie bolš čym pieradvybarnaja technałohija.