U Čašnickim rajonie maci sudzili za traŭmy 5-hadovaj dački: jany jechali ŭ hałalod na rovary, a pry padzieńni dzicia atrymała składany pierałom. Sud aštrafavaŭ žančynu, paviedamlaje aficyjny pradstaŭnik Viciebskaha abłasnoha suda Natalla Płatonienka.
Fota: «Čyrvony pramień».
19 śniežnia žančyna viezła na bahažniku rovara dačku. Vyjazdžajučy z darohi na abočynu, jakaja była pakryta lodam, žančyna nie spraviłasia z kiravańniem i ŭpała. U vyniku dziaŭčynka atrymała składany pierałom ściahna.
Na maci zaviali kryminalnuju spravu pa č.1 art. 321 KK za parušeńnie pravił biaśpieki raboty transpartu. Svaimi dziejańniami maci parušyła niekalki punktaŭ PDR: pa-pieršaje, nielha ŭ hałalod jeździć na rovary, pa-druhoje, dziciaci ŭzrostam da 7 hadoŭ treba śpiecyjalnaje siadzieńnie.
Žančynu vyzvalili ad kryminalnaj adkaznaści. Pryniali da ŭvahi, što žančyna raniej nie sudzimaja, ździejśniła złačynstva, jakoje adnosicca da katehoryi tych, jakija nie ŭjaŭlajuć vialikaj hramadskaj niebiaśpieki, (…) čystasardečna raskajałasia va ŭčynienym złačynstvie, dała praŭdzivyja, pryznalnyja pakazańni, stanoŭča charaktaryzujecca pa miescy žycharstva i pracy.
Joj pryznačany štraf u pamiery 5 bazavych vieličyń (127 rubloŭ i 50 kapiejek).