Vučniaŭ škoły pad Barysavam evakuiravali z-za paviedamleńnia ab miniravańni, pravaachoŭniki zatrymali telefonnaha chulihana, paviedamlaje miascovaje RUUS.
Siońnia dniom u milicyju ad nieviadomaha mužčyny pastupiŭ zvanok z paviedamleńniem ab miniravańni vioski Łošnica Barysaŭskaha rajona. Praź jašče niekalki chvilin pastupiŭ paŭtorny zvanok ad hetaha ž abanienta z paviedamleńniem ab miniravańni miascovaj siaredniaj škoły.
U karotkija terminy ŭ škołu pryjechali supracoŭniki milicyi i inšyja apieratyŭnyja słužby. Budynak byŭ ačepleny, evakuiravali 120 čałaviek.
Vybuchovych pryład na terytoryi navučalnaj ustanovy nie znajšli.
Chulihanam akazaŭsia biespracoŭny 38-hadovy miascovy žychar. Jak patłumačyŭ mužčyna, u momant zvanka jon byŭ niećviarozy, tamu nijakaha vyraznaha tłumačeńnia svajmu ŭčynku dać nie moža.
