Padčas sustrečy z premjer-ministram Rasii Dźmitryjem Miadźviedzievym kiraŭnik palitrady ŭkrainskaj partyi «Apazicyjnaja płatforma — Za žyćcio» Viktar Miedźviadčuk zajaviŭ, što Ukrainie patrebnyja pramyja pastaŭki hazu z Rasii.
«Siońnia skłałasia situacyja absalutna nienarmalnaja, kali toj ža rasijski haz pastaŭlajecca va Ukrainu ź Jeŭropy, praź niejkich pasiarednikaŭ, praź niejkija schiemy, jakija pryvodziać da taho, što jon stanovicca amal na $100 daražejšy, čym kali b jon pastaŭlaŭsia pramym kantraktam», — skazaŭ Miedźviadčuk. «Pradmiet našaj siońniašniaj sustrečy zaklučajecca ŭ tym, što nam patrebnyja pramyja pastaŭki», — dadaŭ jon.
Kandydat u prezidenty Ukrainy Juryj Bojka, jaki prysutničaŭ na sustrečy, taksama kazaŭ pra nieabchodnaść kantrakta na pramyja pastaŭki rasijskaha hazu Ukrainie.
«Hazprom hatovy pravieści pieramovy pa zaklučeńni novaha kantrakta na pastaŭku na ŭkrainski rynak napramuju rasijskaha hazu», — skazaŭ kiraŭnik hazavaj kampanii Alaksiej Miler.
Pry hetym Miler zajaviŭ, što cana na haz pa novym kantrakcie dla kančatkovaha spažyŭca Ukrainy budzie na čverć nižejšaj za ciapierašniuju.
