Uładzimir Holikaŭ sa svajoj žonkaj Martaj Lubianikavaj

Uładzimir Holikaŭ sa svajoj žonkaj Martaj Lubianikavaj

Mastak-animatar i kinarežysior Uładzimir Holikaŭ pamior va ŭzroście 86 hadoŭ. Heta adbyłosia jašče 21 sakavika 2019 hoda, paviedamili Tut.by na «Biełaruśfilmie».

Uładzimir Holikaŭ naradziŭsia 15 listapada 1932 hoda. Skončyŭ fakultet žyvapisu Surykaŭskaha mastackaha instytuta (1956). Pracavaŭ mastakom na kinastudyjach imia Maksima Horkaha i «Tadžykfilm».

U 1971-m Holikaŭ pryjšoŭ na studyju «Biełaruśfilm», dzie źniaŭ pieršy biełaruski lalečny multfilm «Niaznajka-paet».

U tvorčaj bijahrafii Uładzimira Alaksandraviča — takija pracy jak «Dva pohlady na adno i toje ž», «Niaŭdačnik», «Vasia Buślik i jaho siabry», «Kvaka-zadavaka», «Nie bajusia ciabie, maroz». U tvorčym tandemie z žonkaj režysiora Martaj Łubianikavaj była stvorana sieryja kazak pra Cimku i Dzimku.

Клас
0
Панылы сорам
0
Ха-ха
0
Ого
0
Сумна
0
Абуральна
0