Samaja darahaja karcina ŭ śviecie — Zbaŭca śvietu pendźla Leanarda da Vinčy — źnikła ź filijała paryžskaha Łuŭra ŭ stalicy AAE Abu-Dabi, piša amierykanskaja hazieta New York Times sa spasyłkaj na svaje krynicy.

Karcinu pavinny byli vystavić u Łuŭry Abu-Dabi ŭ vieraśni 2018 hoda, ale tady ŭłady stalicy AAE pa nieviadomych pryčynach adkłali pakaz.

Pa słovach francuzskaha čynoŭnika, znajomaha z dyskusijami paryžskaha Łuŭra ź filijałam u Abu-Dabi, u Paryžy taksama nie mohuć znajści Zbaviciela śvietu.

Pa słovach apytanych hazietaj ekśpiertaŭ pa žyvapisie, miescaznachodžańnie pałatna zaraz sapraŭdy nieviadoma.

Zbaŭca śvietu syšoŭ z małatka ŭ listapadzie 2017 hoda. Vynikovaja suma ŭhody z ulikam usich kamisij, zboraŭ i padatkaŭ skłała $450,3 miljona. Kupiŭ jaje saudaŭski prync Bader bin Abduła bin Machamied bin Farchan Al Saud.

U 1958 hodzie karcina ŭpieršyniu źjaviłasia na aŭkcyjonie jak pałatno aŭtarstva adnaho z majstroŭ «škoły da Vinčy». Tady jana pajšła z małatka za 45 funtaŭ. U 2011 hodzie było vyznačana, što karcinu napisaŭ sam Leanarda.

Клас
0
Панылы сорам
0
Ха-ха
0
Ого
0
Сумна
0
Абуральна
0