Stała viadoma, što Kanstancinu «Baciušku sa svastykaj» Burykinu vystaŭleny novyja abvinavačvańni. Apieratyŭniki miarkujuć, što z 2014 pa 2016 hady jon vydatkavaŭ na ŭłasnyja patreby častku hrošaj, što vydzialalisia na kamandziroŭki spartsmienaŭ. Ahulnaja škoda skłaŭ kala 17500 rubloŭ.

Zaviedziena kryminalnaja sprava pa č. 3 art. 211 KK(prysvajeńnie abo rastrata). Maksimalnaje pakarańnie — 7 hadoŭ źniavoleńnia.

Čytajcie: «Baciušku sa svastykaj» vystavili novyja abvinavačvańni — jamu pahražaje jašče 7 hadoŭ źniavoleńnia

Abaznanyja krynicy paviedamili «Našaj Nivie», pra što kankretna idzie havorka. 

«Sapraŭdy, tam byŭ nieparadak z zamiežnymi kamandzirovačnymi. Vyhladała heta tak: jeduć spartoŭcy ŭ Estoniju, naprykład, a im vypłočvajecca tolki pałova ad normy sutkavych», — skazała abaznanaja krynica. 

Ale, pavodle jaje, aproč takich drobnych muchlažoŭ byli i bolš značnyja. 

«Paśla pačatku hetaj historyi ŭ 2016-m kantrolna-revizijnaje ŭpraŭleńnie Minfina pa Minskim rajonie rabiła pravierku dziejnaści Fiederacyi paŭerliftynha. Pa vynikach jakoj naradziłasia vializnaja zapiska, na padstavie čaho ŭ rabotu puścili orhany», — skazali nam. 

Nahadajem, što ŭ toj čas fiederacyjaj paŭerliftynha aficyjna kiravaŭ staršynia BFST «Dynama» Hienadź Kaleśnik, pałkoŭnik milicyi ŭ adstaŭcy, były kiraŭnik Mahiloŭskaha vyšejšaha kaledža MUS, a Burykin byŭ jahonym namieśnikam i faktyčnym kiraŭnikom fiederacyi. 

«Ad «Dynama» na dziejnaść fiederacyi vydzialalisia zajmy, padpisvaŭ ich Kaleśnik. Ale toje ž kantrolna-revizijnaje ŭpraŭleńnie zrabiła vysnovu, što pieršapačatkova heta parušeńnie zakona, bo hramadskaje abjadnańnie pavodle Statutu nie zajmajecca kamiercyjnaj dziejnaściu, tamu zajmy nie mahli vydzialacca, bo im apryory niama z čaho addavać — fiederacyja ž nie zarablaje. I hetyja daŭhi tak i zastalisia na BFST «Dynama» i na Fiederacyi», — dadała krynica.

Uhanaravańnie Kaleśnika na pasadzie novaha staršyni. Fota dynamo.by

Uhanaravańnie Kaleśnika na pasadzie novaha staršyni. Fota dynamo.by

Nakolki nam viadoma, da Hienadzia Kaleśnika, jaki ciapier kiruje sanatoryjem «Biełaruś» u Sočy, užo naviedvalisia rabotniki siłavych struktur, jahonaja rola ŭ hetaj historyi pakul nie da kanca zrazumiełaja.

«Naša Niva» užo detalova raskazvała pra dziejnaść Burykina ŭ Fiederacyi paŭerliftynha. 

Rasśledavańnie: jak «baciuška sa svastykaj» rasparadžaŭsia biudžetnymi miljardami

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?