Zranku 7 krasavika rabotniki arhanizacyi «Zasłaŭjebudindustryja», jakija ŭstaloŭvajuć aharodžu vakoł Kurapataŭ, na abjekcie nie pracujuć. Vakoł Kurapataŭ nie bačna i budaŭničaj techniki, piša Radyjo Svaboda.
Napiaredadni, u subotu, budaŭniki zavieršyli mantaž aharodžy vakoł Kurapackaha lesu z boku kalcavoj darohi i z boku «Ekspabiełu», dniom raniej była uźviedzienaja aharodža z boku restarana «Pajedziem pajadzim».
Niazroblenymi zastalisia kala 200 mietraŭ aharodžy ad Zasłaŭskaj aŭtadarohi. U hetym miescy vykapanyja jamy pad słupki i naciahnutaja budaŭničaja viaroŭka, ale słupy i sietka nie ŭstalavanyja. Admysłoŭcy nie vyklučajuć, što pracy nie ŭdałosia zavieršyć užo ŭ subotu z-za składanaha reljefu ŭ hetym miescy.
