ABNOŬLENA: Jak vyjaviłasia, turnir z udziełam pradstaŭnikoŭ «DNR» pravodziŭsia ŭ 2017 hodzie. Padobnaja infarmacyja zastałasia na zachavanaj kopii staronki. Na apošnich spabornictvach pa sučasnym piaciborji ŭ Mahilovie spartsmieny z «DNR» udziełu nie prymali.
***
Spartsmieny z h.zv. Danieckaj narodnaj respubliki vystupili na XVII adkrytych respublikanskich spabornictvach pa sučasnym piaciborji na pryzy upraŭleńnia sportu i turyzmu Mahiloŭskaha abłvykankama, piša Tut.by.
«Zaviaršylisia XVII adkrytyja respublikanskija spabornictvy pa sučasnym piaciborji na pryzy upraŭleńnia sportu i turyzmu Mahiloŭskaha abłvykankama. Mahiloŭ pa tradycyi apynuŭsia haścinnym, karektnym i haścinnym dy adkaznym arhanizataram spabornictvaŭ. 125 čałaviek z Homielskaj, Minskaj, Mahiloŭskaj abłaściej i Danieckaj Narodnaj Respubliki sabrała heta jarkaja spartyŭnaja padzieja, - paviedamlałasia na aficyjnym sajcie Mahiloŭskaha abłasnoha centra alimpijskaha reziervu pa konnym sporcie i sučasnym piaciborji.
U adnym ź vidaŭ prahramy pradstaŭnica DNR navat zavajavała miedal. U spabornictvach siarod junijorak 1997 naradžeńnia i maładziejšyja bronzavaja pryziorka stała Anastasija Šaŭčenka.





