Deputat Pałaty pradstaŭnikoŭ i doktar histaryčnych navuk prakamientavaŭ telekanału RTVI znos kryžoŭ u Kurapatach, piša Radyjo Svaboda.
Što skazaŭ Marzaluk
1. «Nachabnaja biespardonnaja chłuśnia, što na miescy stalinskich represij niechta znosiŭ kryžy. Heta nie miesca palityčnych represij, bo rasstreły adbyvalisia ŭ hłybini lasnoha masivu. I taja terytoryja, pra jakuju my kažam, nijakaha dačynieńnia da miescaŭ rasstrełaŭ nie maje. Heta achoŭnaja terytoryja historyka-kulturnaj kaštoŭnaści. U miežach zony historyka-kulturnaj kaštoŭnaści, pa biełaruskim zakanadaŭstvie, biez dazvołu Ministerstva kultury nielha ŭzvodzić sparudy. Hod tamu pa-chamsku i chulihansku biez dazvołu biełaruskich uładaŭ pastavili hetyja 70 novych kryžoŭ».
2. «Z hetaha boku nijakich pachavańniaŭ niama. Hetyja kryžy nie źjaŭlajucca elemientami tradycyj i nie stajali tut dziesiacihodździami».
3. «U nas pierad Vialikadniem pryniata navodzić paradak na miescach smutku, na miescach, dzie sapraŭdy zahinuli ludzi. Tamu i płot, i dobraŭładkavańnie na hetym miescy budzie».
4. «My bačym, banalnuju palityčnuju pravakacyju».
