Kiraŭnik CVK Taćciana Ślipačuk padkreśliła, što debaty kandydataŭ u prezidenty — aficyjnaje mierapryjemstva, jakoje pavinna pravodzicca ŭ adpaviednaści z zakanadaŭstvam i apłačvajecca sa srodkaŭ dziaržaŭnaha biudžetu. Zhodna z pastanovaj Centrvybarkama, sustreča Zialenskaha i Parašenki pavinna adbycca ŭ studyi telekanała «Hramadskaha telebačańnia».
Pry hetym Ślipačuk padkreśliła, što ŭ pastanovie CVK pakazany kankretny adras telestudyi, kudy pavinny pryjechać kandydaty.
Teledebaty, zhodna z zakanadaŭstvam, mielisia prajści ŭ piatnicu 19 krasavika, heta značyć za dva dni pierad druhim turam. Ale Zialenski vyklikaŭ Parašenku na debaty na stadyjonie «Alimpijski» ŭ Kijevie — samuju vialikuju placoŭku Ukrainy. Parašenka pahadziŭsia, ale pryznačyŭ debaty na 14 krasavika, bo ŭ piatnicu, 19-ha, stadyjon budzie zaniaty pad knižnuju vystavu.
