Izrailcianina Isaaka Chaika ŭnieśli ŭ Knihu rekordaŭ Hiniesa jak najstarejšaha futbalista ŭ śviecie, jaki syhraŭ u aficyjnym matčy prafiesijnych kłubaŭ, piša Bi-bi-si.
73-hadovy hałkipier kłuba «Ironi Or-Ijechuda» ŭ piatnicu ŭviečary pravioŭ na poli ŭsie 90 chvilin matču.
Cyrymonija ŭručeńnia futbalistu siertyfikata Knihi rekordaŭ Hiniesa adbyłasia na stadyjonie adrazu paśla zaviaršeńnia hulni.
Niahledziačy na šanoŭny ŭzrost, Chaik zajaviŭ, što hatovy i dalej hulać za svaju kamandu. Na nastupnym tydni jon adznačyć svoj 74-y dzień naradžeńnia.
Kłub «Ironi Or-Ijechuda» vystupaje ŭ Lizie Bet - čaćviortym pa sile futbolnym dyvizijonie Izraila.
Piatnicki matč zaviaršyŭsia dla kamandy Chaika niaŭdała: jana sastupiła kłuba «Makabi Ramat Han» ź likam 1:5.
Adnak zaŭziatary kažuć, što ŭ parazie viny bramnika niama - za hulniu Chaik zrabiŭ niekalki uražlivych «sejvaŭ»
