Pravaachoŭnyja orhany Ukrainy zatrymali hramadzianina Biełarusi Artura Kandratoviča, jaki ŭ Biełarusi padazrajecca va ŭdziele ŭ akcyi suprać pravaachoŭnych orhanaŭ: dva hady tamu ŭ Ivacevičach anarchisty padpalili rekłamny ščyt z hierbam Ministerstva justycyi i nadpisam «Siła zakona ŭ jaho vykanańnii»., piša Radyjo Svaboda.
Artur Kandratovič zatrymany ŭ Kijeva-Śviatošynskim rajonie Kijeŭskaj vobłaści na padstavie infarmacyi ab tym, što jon abvieščany ŭ mižnarodny vyšuk. Zhodna z rašeńniem suda biełarusa źmiaścili ŭ Kijeŭski śledčy izalatar, dzie jon budzie jak minimum da 5 maja
Va Ukrainie jon znachodziŭsia na zakonnych padstavach — 31 žniŭnia 2018 hoda Kandratovič atrymaŭ vid na časovaje žycharstva (hety dakumient vydajecca tolki na adzin hod i štohod musić padaŭžacca).
Pravaachoŭnyja orhany Ukrainy painfarmavali svaich biełaruskich kaleh ab zatrymańni Kandratoviča i ciapier čakajuć zapyt dla jahonaj ekstradycyi.
Jak vynikaje z sudovaha rašeńnia, u Biełarusi Kandratoviča abvinavačvajuć adrazu pavodle troch artykułaŭ — častki 2 artykuła 295-3 (niezakonnyja dziejańni z pradmietami, zasnavanymi na haručych rečyvach), častki 3 artykuła 339 (chulihanstva z vykarystańniem zbroi) i častki 2 artykuła 218 (naŭmysnaje źniščeńnie abo paškodžańnie majomaści).
Za ŭsio hetyja złačynstvy praduhledžvajecca pakarańnie jak u vyhladzie abmiežavańnia, tak i pazbaŭleńnia voli na termin ad 3 da 10 hadoŭ.
