Nacbank apublikavaŭ statystyku pa finansach kamiercyjnych bankaŭ za ŭvieś 2018 hod. Vyniki praanalizavaŭ finansavy partał banki24.by.
Ahulny prybytak 24 dziejnych bankaŭ Biełarusi skłaŭ za 2018 hod 1074 młn biełaruskich rubloŭ. U paraŭnańni z 2017 hodam jon pavialičyŭsia na 24,9%. Jak i ŭ 2017-m, u 2018 hodzie siarod dziejnych bankaŭ nie znajšłosia stratnych.
Bank raźvićcia ŭ jurydyčnym sensie nie źjaŭlajecca kamiercyjnym bankam, a adnosicca da asablivaha typu niabankaŭskich kredytna-finansavych arhanizacyj. Za 2018 hod prybytak Banka raźvićcia dasiahnuŭ 189,3 młn BYN i pavialičyŭsia da 2017 hoda na 2,8%. Pakolki inflacyja u 2018 hodzie była značna vyšejšaj, u realnym vyražeńni prybytak Banka raźvićcia ŭpaŭ da 2017 hoda.
Što tyčycca kamiercyjnych bankaŭ, to ŭ cełym pa sistemie prybytak istotna vyras u realnym vyražeńni.
Rost prybytku pa adnosinach da 2017 hoda adznačaŭsia tolki ŭ 11 bankach z 24 dziejnych. U hety śpis uvajšli Biełarusbank, Bielinviestbank, Biełahraprambank, MTBank, BPS-Śbierbank, Bank VTB (Biełaruś), Bank Dabrabyt, Technabank, StatusBank, BSB Bank i Absalutbank.
Čempijonam pa pamiery prybytku za 2018 hod čakana staŭ Biełarusbank (341,6 młn BYN). Pryčyna lidarstva pa prybytku zbolšaha tłumačycca rostam efiektyŭnaści raboty Biełarusbanka, a taksama zbolšaha jaho pamieram u paraŭnańni ź inšymi: Biełarusbank maje najbujniejšyja aktyvy ŭ sistemie, ź jakich praściej zarabić bolš prybytku.
Na druhim miescy pa sumie prybytku apynuŭsia Pryjorbank (136,8 młn BYN), na trecim — BPS-Aščadbank (109,4 młn BYN), na čaćviortym — Biełhazprambank (100,1 młn BYN), na piatym — MTBank (71 młn BYN ).
U troch bankaŭ u 2018 hodzie adbyłosia skaračeńnie prybytku. U sumny top-3 pa padzieńni prybytku ŭvajšli TK Bank (źnižeńnie ŭ 6,6 razu), Cepter Bank (u 5,6 razu) i Parytetbank (u 2,1 razu).
