Biełaruski śpiavak Dźmitryj Kałdun 6 krasavika davaŭ kancert u rajcentry Dziatłava ŭ Hrodzienskaj vobłaści. Paśla vystupu jon vykłaŭ u instahramie sełfi ź finhałam. Podpis da fota byŭ nastupnym: «Hastroli pa Biełarusi ŭ samym razhary. Sprabavaŭ praśpiavać «Karabli» karaokie ŭ pravincyjnym haradku. Dziakuj udziačnym słuchačam».
Źjavilisia interpretacyi, što chtości z žycharoŭ Dziatłava moh pabicca sa śpievakom. Na spravie ŭsio atrymałasia nie nastolki kryminalna, ale nie mienš cikava.
Padčas vystupu ŭ rajcentry ŭ zale Doma kultury prapała śviatło. Kałdun byŭ vymušany skančvać kancert akustyčna.
«Paśla vystupu Dźmitryj pajšoŭ da mašyny, na vulicy było ciomna, jon nie zaŭvažyŭ jamu na darozie, nie paśpieŭ shrupavacca i ŭdaryŭsia hałavoj ab areli, jakija nie pabačyŭ u ciemry», — raskazała pijarščyca Kałduna Julija Sažyna.
Paśla ahladu ŭ balnicy ŭ śpievaka dyjahnastavali vyvich kalena, a taksama padazreńnie na strasieńnie mazhoŭ.
Dźmitryj Kałdun pradstaŭlaŭ Biełaruś na Jeŭrabačańni ŭ 2007 hodzie. Tam jon zaniaŭ najvyšejšaje dla našaj krainy šostaje miesca ŭ konkursie. Letaś Kałdun vystupaŭ na mitynhu ŭ «DNR» pad achovaj aŭtamatčykaŭ.
