Akumulatarny zavod pad Brestam zapracuje ŭžo ŭ mai. Pra heta hubiernatar Bresckaj vobłaści zajaviŭ na sustrečy sa studentami PalesDU, piša «Miedyja-Paleśsie».

Anatol Lis.

Anatol Lis.

Temu budaŭnictva pad Brestam zavoda pa vytvorčaści śvincovych akumulataraŭ Anatol Lis ahučyŭ sam.

— Ja nieadnarazova vystupaŭ na hetuju temu i vam siońnia skažu, što zavod hety budzie adkryty ŭžo ŭ mai, — zajaviŭ Anatol Lis. — Heta surjozny inviestycyjna-inavacyjny prajekt, u realizacyju jakoha ŭkładzienyja vielizarnyja hrošy. Jon prajšoŭ usie ekśpiertyzy, takija jak ekałahičnaja. Nichto nie dazvoliŭ by budaŭnictva zavoda, jaki b ŭpłyvaŭ na ekałohiju horada, tym bolš abłasnoha centra. Siońnia ŭ Polščy, Hiermanii takija zavody pracujuć. A my kuplajem tam akumulatary za valutu. Što, my durniejšyja za ich, svaje nie možam zrabić?

Kažučy pra lidaraŭ pratestnaha ruchu, kiraŭnik vobłaści vykazaŭ zdahadku, što jany takim čynam zarablajuć sabie palityčny kapitał, rychtujucca da majučych adbycca vybaraŭ u pradstaŭničyja orhany ŭłady.

Клас
Панылы сорам
Ха-ха
Ого
Сумна
Абуральна