U štabie prezidenta Ukrainy Piatra Parašenki ličać, što pravodzić debaty 19 krasavika zanadta pozna, tamu nastojvajuć na sustrečy z kandydatam u prezidenty Uładzimiram Zialenskim 14 krasavika na stadyjonie «Alimpijski». Pra heta na bryfinhu ŭ paniadziełak paviedamiŭ pradstaŭnik štaba Aleh Miadźviedzieŭ, piša Liha.
Miadźviedzieŭ adznačyŭ, što ŭ štabie apanienta chočuć adciahnuć debaty, i 19 krasavika — heta ŭžo zanadta pozna, pakolki nastupny za im dzień cišyni nie daść žurnalistam mahčymaści praanalizavać adkazy kandydataŭ, a vybarščykam — asensavać ich.
«Tamu zastajecca ŭ sile pazicyja Piatra Parašenki pravieści pieršyja debaty 14 krasavika na stadyjonie Alimpijski. I Parašenka budzie čakać Uładzimira Zialenskaha na hetych debatach», — adznačyŭ Miadźviedzieŭ.
Jon udakładniŭ, što prezident pryjdzie na debaty 19 krasavika na telebačańnie, pakolki hetaha patrabuje zakon.
«Nie vyklučana, što Parašenka zmoža pryjści 19 krasavika i na Alimpijski, ale tolki ŭ toj čas, u jaki budzie volny ad vykanańnia svaich abaviazkaŭ», - skazaŭ śpikier štaba dziejučaha kiraŭnika Ukrainy.
