Jaŭhien Baranoŭski (źleva) i Jahor Skuratovič u zale Viarchoŭnaha suda. Fota: Volha Šukajła, TUT.BY
Rašeńnie suda papiaredniaj instancyi pryznali pravilnym i pakinuli bieź źmienaŭ, piša Radyjo Svaboda.
9 krasavika Viarchoŭny sud razhledzieŭ kasacyjnuju skarhu na prysud u spravie ab śmierci sałdata terminovaj słužby Alaksandra Koržyča. Prysud byłym siaržantam vajskovaj častki ŭ barysaŭskich Piečach pakinuli bieź źmienaŭ
Sprava ab śmierci Koržyča razhladałasia ŭ Maskoŭskim sudzie Mienska z 8 žniŭnia pa 5 kastryčnika 2018 hoda. Byłych siaržantaŭ zahinułaha sałdata pryznali vinavatymi ŭ daviadzieńni da samahubstva padnačalenaha, a taksama ŭ šmatlikich inšych parušeńniach pa słužbie i pryhavaryli da vialikich terminaŭ źniavoleńnia. Siaržant Viaževič atrymaŭ 7 hadoŭ pazbaŭleńnia voli, Baranoŭski — 9, Skuratovič — 6.
Abodva baki pracesu vykazali niezadavolenaść prysudam.
Asudžanyja siaržanty Baranoŭski, Viaževič i Skuratovič svaju vinu pryznali častkova i admovilisia pryznavać, što ichnyja dziejańni stali pryčynaj śmierci Alaksandra Koržyča.
Śviatłana Koržyč maje namier abskardžvać prysud u spravie ab śmierci syna ŭ instancyjach AAN. 3 krasavika jana sustrełasia ź ministram abarony Biełarusi Andrejem Raŭkovym