19-hadovy žychar vioski Haradok Maładziečanskaha rajona raźmiaściŭ u internecie ad imia svajoj dziaŭčyny jaje pikantnyja zdymki i pieralik płatnych intymnych pasłuh. Tak jon chacieŭ adpomścić na raźvitańnie, paviedamlaje UUS.
U milicyju źviarnułasia 18-hadovaja žycharka Maładziečna, jakaja paviedamiła, što nie moža atrymać dostup da asabistych akaŭntaŭ u sacyjalnych sietkach «Ukantakcie» i «Instagram». Akramia taho, na jaje staronkach raźmieščanyja fatahrafii nieprystojnaha źmiestu i zapisy, byccam dziaŭčyna akazvaje intymnyja pasłuhi za hrošy.
Jak vyśvietlili pravaachoŭniki, na staronki dziaŭčyny ŭ sacsietkach zajšoŭ jaje znajomy. Parol ad akaŭntaŭ jana dała jamu asabista niezadoŭha da incydentu. Paśla niekalkich hadoŭ adnosin maładyja ludzi rasstalisia.
Z reŭnaści abo, vierahodna, z pomsty były chłopiec źmianiŭ nałady pryvatnaści, a mienavita rekvizity, nieabchodnyja dla ŭvachodu ŭ akaŭnty.
Akramia taho, vystaviŭ na ŭsieahulny ahlad intymnyja fatahrafii dziaŭčyny i zapisy pra płatnyja intymnyja pasłuhi ad jaje.
Chłopiec va ŭčynienym złačynstvie raskajaŭsia.