Pieršy biełaruski poŭnamietražny multfilm-miuzikł «Zorki siomaha nieba» vypuściać da 2020 hoda, paviedamiŭ dyrektar «Biełaruśfilma» Uładzimir Karačeŭski, pieradaje «Minsk-Naviny».
— Nad filmam my pracujem na praciahu niekalkich hadoŭ. Praca nad animacyjnym filmam padobnaja juvielirnaj. Nad kožnym kadram pracuje ceły kalektyŭ, — adznačyła režysiorka karciny Alena Turava.
U asnovie animacyjnaha miuzikła — kniha «Zorki siomaha nieba» Hienadzia Davydźki. Na scenie Nacyjanalnaha akademičnaha dramatyčnaha teatra im. Maksima Horkaha pastanoŭka pa hetym tvory idzie z 2009 hoda, ale dla animacyi siužet daviałosia adaptavać.
Pa siužecie talenavity navukoŭca stvaraje supierkampjutar, jaki abiacaje ŭsich ludziej zrabić ščaślivymi. Ale vierałomny čarviak z dapamohaj hetaj vynachodki praryvajecca ŭ realny śviet i vyrastaje ŭ monstra.
