Dziaržaŭny kamitet pa raźvićci i reformam Kitaja maje namier abjavić majninh kryptavalut pa-za zakonam, paviedamlaje Bloomberg.
Rašeńnie jašče nie pryniataje kančatkova — Dziaržkamitet tolki apublikavaŭ śpis «škodnych halin», kudy patrapili tyja śfiery ekanomiki, jakija zanadta marnujuć resursy abo mocna zabrudžvajuć navakolnaje asiarodździe, siarod ich i majninh kryptavalut. Kančatkovaje rašeńnie budzie pryniata paśla kansultacyj z hramadstvam i ŭładami, jakija zavieršacca 7 maja.
Pa niekatorych acenkach, na Kitaj prychodziłasia kala 70 adsotkaŭ zdabyčy bitkojnaŭ i 90 adsotkaŭ usich ździełak z kryptavalutami. Adnak na praciahu apošnich dvuch hadoŭ dziaržava robić bolš žorstkaj palityku ŭ adnosinach da kryptaindustryi — jana aścierahajecca ŭźniknieńnia śpiekulatyŭnych burbałak, machlarstva i marnatraŭnaha enierhaspažyvańnia.
