UNIAN
Va Ukrainie źjavilisia biłbordy z vyjavaj Uładzimira Pucina, jany źjaŭlajucca aficyjnym rekłamnym praduktam, apłačanym z vybarčaha fondu Piatra Parašenki. Adpaviednaje paviedamleńnie apublikavaŭ u fejsbuku pieradvybarčy štab Parašenki, piša UNIAN.
«U Pucina, zrazumieła, zhody nie pytalisia. I heta naturalna. Ździŭlaje inšaje: kolkaść ukrainskich ekśpiertaŭ i palitykaŭ, jakija vystupili na abaronu parušanych pravoŭ Pucina. Siarod ich, na žal, i aficyjnyja pradstaŭniki kandydata Zialenskaha. Pucin — pa-za zakonam», — havorycca ŭ paviedamleńni.
U štabie kandydata zapeŭnili, što zadača rekłamy — nahadać krainie, što va ŭmovach strašnych źniešnich vyklikaŭ patrebny «mocny prezident i Viarchoŭny Hałoŭnakamandujučy».
«Siužet borda nie aznačaje, byccam u kamandzie Parašenki ličać Zialenskaha ahientam Pucina. Kateharyčna nie. Ale my ćviorda pierakananyja, što Pucin maryć ab słabym, niepadrychtavanym prezidencie, što dazvolić Kramlu ŭziać Ukrainu pad kantrol», — adznačyli ŭ štabie.
