Palicyja Rumynii pravodzić maštabnuju pošukavuju apieracyju paśla vyjaŭleńni ŭzdoŭž ŭźbiarežža Čornaha mora niekalkich pakietaŭ z narkotykami. Ahułam palicyi ŭdałosia sabrać bolš za 130 kiłahramaŭ kakainu, ale pošuki ŭsio jašče praciahvajucca, paviedamlaje BBC.
Narkotyki adrazu ŭ niekalkich miescach vyjavili jašče 5 krasavika, tamu zaraz kala 300 pravaachoŭnikaŭ i 14 karabloŭ bierahavoj achovy patrulujuć bierahavuju liniju. Akramia taho, u pošuku taksama ŭdzielničali dva viertaloty, niekalki łodak i dajvieraŭ.
Ličycca, što praz Rumyniju prachodzić maršrut tranzitu narkotykaŭ, jakaja złučaje Łacinskuju Amieryku i Jeŭropu.Na dumku pravaachoŭnikaŭ, znojdzienyja pakiety źjaŭlajucca častkaj partyi vahoj kala tony kakainu, vyjaŭlenaj na zakinutym karabli bolš za dva tydni tamu.
Zaraz u suviazi z hetymi incydentami aryštavanyja dvoje hramadzian Sierbii. Rumynskaje vydańnie Digi24 paviedamlaje, što apieracyja achoplivaje prykładna 90 kiłamietraŭ bierahavoj linii.
