Biełaruskaja Muzyčnaja Alternatyva (BMA group) u honar Kastusia Kalinoŭskaha pačynaje kampaniju UZAJEMNA!/UZAJEMNA!
U miežach kampanii buduć ładzicca festy roznych muzyčnych kirunkaŭ (rok, mietał, rep, bardaŭskaja muzyka), płanujecca zbor i vydańnie muzyčnaj składanki z tvorami, pryśviečanymi Kastusiu Kalinoŭskamu, a taksama vyrab admysłovaj suvienirnaj pradukcyi.
«Nas ździŭlaje, što asoba Kastusia Kalinoŭskaha vyklikaje nieadnaznačnuju reakcyju ŭ biełaruskim hramadstvie, a ŭ zamiežžy staviać pad sumnieŭ biełaruskaje pachodžańnie słavutaha hieroja», — kažuć arhanizatary.
Čamu «UZAJEMNA!»? Bo heta viadomy parol paŭstancaŭ Kalinoŭskaha, jaki i na siońniašni dzień nie hublaje svajoj aktualnaści:
« — Kaho lubiš?
— Lublu Biełaruś!
— To ŭzajemna!»
U miežach kampanii BMA abjaŭlaje nastupnyja mierapryjemstvy:
- Konkurs łahatypa/malunka kampanii — łoha/malunak pieramožca budzie nadrukavany na ŭsioj pradukcyi kampanii (značaki, cišotki, dyski), a taksama na rekłamnych materyjałach (postery, ulotki i inš).
Dedłajn: 1 červienia.
- Zbor muzyčnych tvoraŭ ad rok-hurtoŭ i bardaŭ. Najlepšyja tvory ŭvojduć u muzyčnuju składanku, a hurtam/bardam budzie prapanavany vystup na tematyčnym feście.
Dedłajn pryjoma zajavak: 1 žniŭnia.
- Zbor vieršaŭ i inšych tvoraŭ, pryśviečanych Kalinoŭskamu. Tvory buduć publikavacca na staroncy kampanii ŭ sacyjalnych sietkach. Pa damovie muzyčnyja kalektyvy zmohuć vybrać vierš dla vykanańnia.
Dedłajn nieabmiežavany.
Infarmacyju dasyłać na skryniu [email protected] z paznakaj «Konkurs».
UZAJEMNA! / UZAJEMNA! — niekamiercyjnaja aśvietnicka-kulturnaja kampanija. U bližejšy čas budzie zapuščana kampanija pa zboru srodkaŭ dla realizacyi prajekta. Achvotnyja padtrymać ci ŭziać udzieł u kampanii mohuć źviazacca z arhanizatarami:
+375 (29) 649-0-888
