Biełaruskich školnikaŭ mohuć abmiežavać u vykarystańni mabilnych telefonaŭ padčas urokaŭ, a navučalnyja kabiniety — abstalavać skryniami dla zachoŭvańnia hadžetaŭ. Pra heta paviedamiŭ načalnik hałoŭnaha ŭpraŭleńnia vychavaŭčaj raboty i maładziožnaj palityki Ministerstva adukacyi Eduard Tamilčyk, paviedamlaje BiełTA.
Eduard Tamilčyk spyniŭsia na asobnych punktach, uklučanych u zahad ad 11 sakavika 2019 hoda №156 «Ab zaćviardžeńni prykładnaj instrukcyi ab arhanizacyi prapusknoha režymu va ŭstanovach ahulnaj siaredniaj adukacyi».
«Hetym zahadam, akramia inšaha, daručana hałoŭnym upraŭleńniam pa adukacyi abłvykankamaŭ, kamitetu pa adukacyi Minharvykankama ŭnieści ŭ praviły ŭnutranaha rasparadku dla navučencaŭ punkt ab abmiežavańni vykarystańnia imi mabilnaj suviazi padčas adukacyjnaha pracesu. Prapanujecca abstalavać navučalnyja kabiniety prystasavańniami ź jačejkami dla časovaha zachoŭvańnia srodkaŭ mabilnaj suviazi padčas uroka», — rastłumačyŭ Eduard Tamilčyk.
